Улсын хэмжээнд өнгөрсөн долоо хоногт буюу долдугаар сарын 31-ээс наймдугаар сарын 06-ны өдрүүдэд нийслэлийн долоон дүүрэг, 18 аймгийн 44 суманд 72 удаагийн аюулт үзэгдэл, ослын дуудлага бүртгэгджээ. Аюулт үзэгдэл, ослын улмаас 17 хүн амь насаа алдаж, 8 хүн бэртэж, гэмтсэн бөгөөд амь насаа алдсан иргэдийн 11 нь том хүн, 6 нь хүүхэд байсан талаар ОБЕГ-аас мэдээллээ.

Мөн геологийн гаралтай дөрөв, хүний үйл ажиллагаатай холбоотой осол найм, гал түймэр 31, ус цаг уурын гаралтай аюулт үзэгдлийн 18, биологийн гаралтай нэг осол бүртгэгдсэн байна.