Франц улсын хэвлэл мэдээллийн хэрэгслээр Монгол Улсын Ерөнхий сайдын хүү Б.Баттүшиг эхнэрийн хамтаар дээрэмдүүлсэн талаар бид өмнө нь мэдээлсэн.
Тэгвэл Н.Цэлмүүн өөрийн фэйсбүүкээр дамжуулан тайлбар хийжээ. Тэрээр "Надад Францад тохиолдсон үйл явдлын талаар хэвлэлд нийтлэгдсэн мэдээлэл нь бодит биш байгаа тул хэдэн зүйл хэлье. Энэ гэмт хэрэгт би өөрөө өртөж хохирогч нь болсон, миний гэр бүлийн хүн биш шүү. Азаар ямар нэгэн байдлаар гэмтээгүй ч сэтгэл санааны хувьд цочирдсон хэвээрээ л байна. Аялахдаа болгоомжтой байгаарай гэж зөвлөмөөр байна. Зарим нэг хэвлэлд бичигдээд байгаа гэмт хэргийн хохирлын мөнгөн дүн нь худлаа, огт бэлэн мөнгө байгаагүй гэдгийг онцолъё" гэжээ.
