"Олон Улсын жүдо бөхийн холбоо"-ны цуврал "TOKYO GRAND SLAM 2023" тэмцээн үргэлжилж байна. Японы нийслэл Токио хотноо болж буй тус тэмцээний эрэгтэйчүүдийн 66 кг-ын жинд өрсөлдсөн ОУХМ Ё.Басхүү алтын төлөө Абэ Хифүмитэй барилдаж, иппон үнэлгээгээр ялагдан мөнгөн медаль хүртлээ.

С хэсгийг тэргүүлж барилдсан тэрбээр эхний тойрогт гоц мөргөөд хоёрдугаар тойрогт Тайванийн Енг Мин Ченгийг, гуравдугаар тойрогт Израилийн М.Кокляевыг, хэсгийн аваргын төлөө Бразилийн Виллиан Лимаг ялж, хагас шигшээд Францын Дайки Бубаг ялан алтан медалийн төлөө шалгарсан.