Нүүрсний хэрэгтэй холбоотой түр хорооны нээлттэй сонсгол өнөөдөр эхэллээ. Эхний сонсголоор орон нутгийн "Тавантолгой" компанийн нүүрс олборлолт, борлуулалт, тээвэрлэлт, экспортын үйл ажиллагаа болон бусад бараа ажил, үйлчилгээ, худалдан авалтыг сонсож байна. ТУЗ-ийн гишүүдэд 2014-2021 оны хооронд 1.7 тэрбум төгрөгийн мөнгөн урамшууллыг олгосон талаар мэдээллээ. Тухайлбал, "Тавантолгой" ХК-ийн ТУЗ-ийн гишүүн, Өмнөговь аймгийн Засаг дарга Р.Сэддоржид 353 сая төгрөгийн урамшуулал олгосон байна.