Дэлхий дахинаа “Бүргэдчин охин” гэж алдаршсан Айшолпан Нургайыпкызы гэр бүлийн хамт Казахстанд суурьшихаар очсон талаар Казинформ мэдээлжээ. Эх сурвалжийн мэдээлснээр, Айшолпан охин бүргэдийн ангаа хаяагүй, долоо хоногт нэг удаа бэлтгэл хийж байгаа, хичээл ихтэй тул тэмцээнд оролцохгүй байгаа ч тэмцээн уралдаануудад зочны хувиар оролцож байгаа гэнэ.

 Эргэн сануулахад, Английн найруулагч Отто Белл Монголын Бүргэдчин охины тухай “Eagle Huntress” баримтат киног 2016 онд бүтээж байв. Айшолпан 2018 онд Алтан гадас одон хүртэж байсан бол 2022 онд түүний тухай “Беркутчи” номын нээлт Астанад болж байсан юм.