Баянхонгор аймгийн төвд цэцэрлэгийн нам даралтын зуух дэлбэрснээс байшин нурж, галч нь нас барсан харамсалтай явдал болжээ.
Энэ талаар ОБЕГ-аас "Баянхонгор аймгийн Баянхонгор сумын Угалз дөрөвдүгээр баг, 13 дугаар цэцэрлэгийн нам даралтын зуух дэлбэрч, нэг хүн өртсөн тухай дуудлагыг өнөөдөр/2024.02.29/ 16:03 цагт хүлээн авсан.
Тус аймгийн Онцгой байдлын газрын Гал түймэр унтраах, аврах 16 дугаар ангийн алба хаагчдыг очиход цэцэрлэгийн 3х4 метрийн хэмжээтэй нэг давхар тоосгон байшин дотор нам даралтын хийн зуух дэлбэрсний улмаас байшин бүхэлдээ нурж, уурын зуухны ээлжийн галч, 39 настай иргэн өртөж нас барсан байсан тул цогцсыг Цагдаагийн газрын мөрдөгчид шилжүүлэн өгсөн" хэмээн мэдээллээ.
Иргэд, ААН-үүд гал түймрийн аюулаас байнга урьдчилан сэргийлж, шаардлагатай арга хэмжээг авч байхыг сэрэмжлүүллээ.
1 сэтгэгдэлтэй
Hair 66.181.160.70
7 сарын өмнөUrd niigmiin uyd mihanik selesari galch gesen oron tootoi ted ni mergejliin humuus baidag baisiin odooch darga zahiral ni olon bolj chaddag meddeg mergejliin ajilchingui boljdee naad hun chini usguj hooson togootoi zuun ballaad baivuu neg shugmaa haatsan baisiimuu olon zahiral erhlegch darga nariin orond gants mergejliin eeljiin selesari baisan bol iim avaar garahgui shdee