Шинжээчид оны эхний улиралд Сингапурын ДНБ-ий өсөлтийг 2.9 хувь хүртэл өснө гэж үзэв. Өсөлтийн нэг шалтгаан нь Тейлор Свифтийн аялан тоглолт гэж Bloomberg бичжээ. Тейлор Свифт "TheEras" гэх аялан тоглолтоо энэ  сарын 2-9-нд Сингапурт тоглосон юм. Энэ тоглолтууд Сингапурын  эдийн засагт  ойролцоогоор 225-300 сая ам.доллар оруулж, ДНБ-ийг 0.2 хувиар өсгөсөн гэж DBSBank  банкны эдийн засагч Чуа Хан Тенг хэлжээ.

Дуучины тоглолтыг үзэхээр ирсэн олон тооны жуулчдын урсгал үүсэн байна. Сингапур нь "TheEras" тоглолтод хамрагдсан Зүүн Өмнөд Азийн цорын ганц улс болсон юм.