Илон Маскийн тэргүүлдэг хөрөнгө оруулагчдын консорциум ChatGPT хиймэл оюуныг бүтээгч OpenAI компанийн хяналтын багцыг авахын тулд 97.4 тэрбум ам.доллар санал болгожээ. Илон Маскийн өмгөөлөгч Марк Тоберофф даваа гарагт технологийн компанийг бүхэлд нь худалдаж авах саналыг OpenAI-ийн удирдах зөвлөлд хүргүүлсэн гэдгээ баталсан байна.

Энэ санал нь дэлхийн хамгийн баян хүн, АНУ-ын Ерөнхийлөгч Трамптай ойр шадарлаж буй Маск болон ирээдүйн бизнес болох хиймэл оюуны технологиор тэргүүлэгч "Open AI" компанийн гүйцэтгэх захирал Сэм Алтман нарын зөрчлийг улам хурцатгаж байна. Сэм Алтман дээрх саналд татгалзсан хариултаа Маскийн эзэмшдэг X сүлжээгээр дамжуулан илэрхийлж "Хэрэв хүсвэл бид твиттерийг чинь 9.74 тэрбум доллараар худалдаж авна" хэмээжээ.

Илон Маск нь OpenAI-ийг үүсгэн байгуулагчдын нэг байсан ч 2019 онд тус компанийг орхиж, xAI нэртэй өөрийн хиймэл оюун ухааны компаниа байгуулсан байдаг.