УИХ-ын гишүүн Ц.Мөнхтуяатай холбоотой асуудлаар Ардчилсан намын дарга Л.Гантөмөрөөс сэтгүүлчид асуулт асуусан юм.  Тухайлбал, гишүүн Ц.Мөнхтуяа төрийн бус байгууллагын нэрээр өнчин хүүхдүүдэд байр авч өгөх нэрээр хандив цуглуулжээ. Гэвч тухайн  мөнгийг нь өөр зүйлд зарцуулан, орон сууцыг нь бусдын нэр дээр авсан гэх асуудалд холбогдоод байгаа юм. Мөн олон нийтийн сүлжээнд ёс зүйгүй үйлдэл гаргаж, иргэдийн дургүйцлийг хүргээд байгаа билээ.

Ардчилсан намын дарга Л.Гантөмөр "Ц. Мөнхтуяа гишүүн боловсролын салбарт бугшсан авлигатай ганцаараа тэмцэж, олон ч хүнтэй хэрэлдлээ. Хэдэн захирлуудтай үзэлцсэн биз дээ. Ц.Мөнхтуяа гишүүний хэдэн жилийн өмнөх бичлэгийг тодорхой хүмүүс сэвээд байгааг сонссон. Ардчилсан намын гишүүдийн нэр хүндийг унагаах зорилготой байх.  Мөнгөний асуудлыг Шүүхээр шийдүүлээд, өөрөөс нь асуусан дээр байх. Тэр байтугай хулгай дээрэм хийсэн хүмүүс төрийн ордноор дүүрэн хэсүүчилж байна. Та нар ганц багш хүнээр оролдоод болж байгаа юм уу. Би бол тэр хүнийг мөнгө авсан гэж бодохгүй байна. Хэрвээ авсан нь эцэслэгдчихвэл өөртөө нь уулзъя л даа. Хүний мөнгийг авсан бол хариуцлагаа хүлээх л байх даа.  

Багш нарын төлөө зүтгэх хүнийг Ардчилсан намд оруулж ирсэн. Жирийн багш, жирийн эмч нар УИХ-д ороосой гэж хүссэн дээ, үзээтэй хүнийг оруулж ирсэн"

гэв.