Хоёрдугаар сарын эхээр иргэн Б үл таних цахим хаягаас “Wechat” аппликэйшнд байршуулсан “Юань зарна” гэх зарын дагуу холбогдож нийт 50 сая төгрөгийг харилцах данснаас шилжүүлж, залилуулжээ. Цагдаагийн байгууллага уг хэргийг шалгаж байна.

Баяр ойртсон эдгээр өдрүүдэд иргэд хилийн чанадаас бараа таваар худалдан авах эрэлт ихсэхтэй холбоотойгоор валют хуурамчаар үйлдэх, цахим орчинд “Валют худалдана” гэх хуурамч зар мэдээллээр залилах гэмт хэрэг үйлдэгдэж, болзошгүй гэдгийг цагдаагийн байгууллагаас анхаарууллаа. Иймд гадаад валют худалдан авахдаа энэ төрлийн үйлчилгээ эрхлэх эрх олгогдсон байгууллагаар үйлчлүүлж, гэмт хэрэгт өртөж, хохирохоос урьдчилан сэргийлэхийг сануулж байна.