И-Монголиа-д дахь иргэдийн Баялгийн сангийн данс руу нэвтэрч асуулгад хариулах боломжтой. “Та ЭТТ-н 1072 хувьцааны ногдол ашгийг бэлэн мөнгөөр авах уу? Хуримтлалын дансандаа хийх үү? Эсвэл хуримтлалын дансанд хийсэн мөнгөөрөө нийслэлийн төсөл хөтөлбөрүүдэд санхүүжүүлэхэд зарцуулах уу? гэдэг сонголтыг иргэн та хийнэ" хэмээн ЗГХЭГ-ын дарга Н.Учрал танилцуулсан.

И-Монголиа аппликэйшинд нэвтэрч, “Эрдэнэс Тавантолгой” ХК-ийн 1072 ширхэг хувьцааны ногдол ашгийн зарцуулалтад санал өгөх юм. Үүнд,

• Бэлэн мөнгө – /Ногдол ашгаа өөрийн банкны дансанд шууд шилжүүлэн авах/
• Хуримтлалын сан – /Ирээдүйд хэрэглэхээр хуримтлуулж хадгалах (Баялгийн сан)/
• Хандив – /Нийгмийн сайн үйлс, тодорхой төсөл, санд хандивлах/ гэсэн 3 төрлөөс сонгох боломжтой.

Хэрэв санал өгөөгүй тохиолдолд ногдол ашиг шууд таны данс руу шилжинэ гэж Цахим хөгжил, инновац, харилцаа холбооны яамнаас мэдээллээ.

Харин 2025 оны 2 дугаар сарын 20-ны өдрийн 15:00 цагийн байдлаар E-Mongolia системээр 81,584 иргэн саналаа өгчээ. Үүнд:

• Ногдол ашгаа банкны дансанд шууд шилжүүлэн авах хүсэлт гаргасан иргэдийн тоо 81,070 иргэн,
• Хуримтлалын сан буюу ирээдүйд хэрэглэх зорилгоор хуримтлуулж хадгалах эсвэл Баялгийн сангийн агуулгаар хадгалах гэсэн сонголт хийсэн 3,282 иргэн,
• Хандив буюу нийгмийн сайн үйлс болон төсөл, санд хандивлах хүсэлт гаргасан 207 иргэн ногдол ашгаа  саналаа тус тус илгээсэн байна.

Энэхүү санал авах ажиллагаа 2025 оны 2 дугаар сарын 26-ны өдрийг дуустал үргэлжлэх бөгөөд энэ хугацаанд иргэд саналаа дахин засварлах боломжтой.

Санал өгөөгүй иргэдийн ногдол ашиг автоматаар банкны дансанд шилжигдэх болно.