Найруулагч Ц.Хүсэлбаатар ийн бичжээ. Тэрбээр  Аав минь хоёрдугаар зэргийн мөгөөрсөн хоолойн төвөнхийн хавдар гэсэн оноштой эмчлүүлж байна. Эмчилгээ үйлчилгээ үнэхээр сайн үр дүнтэй байна. Анх ирснээ бодвол хоолойн өвдөлт нь бага багаар илааршиж л байна. Гол нь айхавтар өвддөг өвдөлт нь арилсан өдөртөө бид хоёрын хийдэг хамгийн чухал ажил бол туяа шарлагандаа явна.Ирээд шатар нүүнэ. Угийн сэргэлэн цогтой хүн болохоор би яаж ч хичээсэн өдөрт тав тогловол намайг заалттай гурав хожно. Эдгэрээсэй гэж үнэхээр их хүсч байна.Эмнэлгийн эмч сувилагчид ажилтнууд хичнээн сайн үйлчлээд үйлчлээд аппарат техник дутмагшилтай бол эмчилгээ үр дүн муутай л болно. Туяа эмчилгээний үйл ажиллагаа нөөц нэг аппарат ажилд орсоноор хуучин байснаараа явж байгаа гэсэн ч хоёр биш гурав биш ядаж дөрөв цаашилбал тав зургаан төхөөрөмж байвал эмчилгээ хийлгэж байгаа өвдсөн хүмүүс дараалалд чилж ядрахгүй. Эмчилж байгаа эмч сувилагч залуус ч эрүүл мэндийн хувьд хохирохгүй норм горимоороо ажиллаад хэн хэндээ ая тавтай байх шүү дээ. Ганц миний мэдэж байгаа харж байгаа нь л энэ өөр хаана юу дутагдалтай байгааг асууж судлаасай, яаралтай тоног төхөөрөмж эм тариа эмчилгээний төхөөрөмжүүдийг нь хангаж өгөөсэй. Цаашилбал хүнсэнд энэ хорт утаатай түлшний стандартандаа анхаарч ард түмнээ аюулгүй эрүүл амьдрахад анхаараасай.