Зэвсэгт хүчний дугаар ангийн хоёр алба хаагч гранат шидэх сургуулилалтын үеэр дэлбэрэлтэд өртөж, гэмтжээ. Эл  осол өнгөрсөн баасан  гарагт болжээ. Тухайн алба хаагчдыг Цэргийн төв эмнэлэгт хүргэжээ. 

Энэ тухай албаны эх сурвалжаас тодруулахад "Дадлага сургуулилалтын үеэр хоёр алба хаагч гэмтэл авсан нь үнэн. Ноцтой осол гарсан бол холбогдох хуулийн байгууллагаас шалгаж, тогтоох байсан. Одоогоор алба хаагчдын биеийн байдал дээрдэж, эмнэлгээс гарсан" гэв.

Дээрх цэргийн алба хаагч сургуулилалтын гранатыг 100-105 удаа шидэх дадлага хийдэг аж. Энэ үеэр осол болжээ.