Дотоодын цэргийн алба хаагчид байшин шатаж байсныг унтрааж, иргэний амь нас, эд хөрөнгийг хамгааллаа. Тухайлбал 2025 оны 03 дугаар сарын 31-ний өдөр Дотоодын цэргийн байгууллагын аварга шалгаруулах “Марш-тактик, тусгай бэлтгэлийн цогцолбор тэмцээн”-нд оролцохоор бэлтгэл сургуулилтад хамрагдаж байсан Дотоодын цэргийн 05 дугаар ангийн байнгын бүрэлдэхүүний алба хаагчид хуваарийн дагуу өглөөний гүйлтэд гүйж байх үед СХД-ийн 22-р хороонд байрлах иргэн О-ийн байшин шатаж байсныг унтрааж, галын машин ирэх хүртэл хариу арга хэмжээг түргэн шуурхай авч, ажилласан байна. Иргэний амь нас, эд хөрөнгийг авран хамгаалж, ард иргэдийнхээ өмнө хүлээсэн үүргээ нэр төртэйгөөр биелүүлсэн алба хаагчдадаа талархал дэвшүүлж, цаашдын ажилд нь амжилт хүсье!