БИЛГИЙН ТООЛЛЫН 7 2025.04.04 / БААСАН ГАРАГ
ХАВРЫН ДУНД ШАРАГЧИН ТУУЛАЙ САРЫН НЭГ ЦАГААН ХАРАГЧИН ТУУЛАЙ ӨДӨР
Үс засуулбал: Хэл ам,хэрүүл тэмцэл ирнэ
Наран ургах, шингэх: 06:24-19:26
Барилдлага: Идэр
Шүтэн барилдлага: Хурьцахуй
Суудал: Огторгуй
Аргын тооллын дөрөвдүгээр сарын 4, Сугар гараг. Билгийн тооллын 7, Хэрцгий охин одтой, харагчин туулай өдөр. Өдрийн наран 06:24 цагт мандан, 19:26 цагт жаргана. Тухайн өдөр хонь, гахай жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, угаал үйлдэх, мал аж ахуйн үйл, удирдлагын суудалд суух, огторгуйн үүдийг боох, их хүмүүнтэй уулзахад сайн. Газар хагалах, ус булгийн эх малтах, балгадын суурь тавих, нохой худалдан авахад муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод зүүн хойш мөрөө гаргавал зохистой. Ханш нээх улирал (20ц 54м). Үс шинээр үргээлгэх буюу засуулахад тохиромжгүй.
0
сэтгэгдэлтэй