Олон нийтийн цахим сүлжээнд "цагдаагийн алба хаагчийг зодож байна" гэх дүрс бичлэг цацагдаад буй. Цагдаагийн байгууллагаас уг асуудлыг тодруулсан байна. Иргэн “С” гэгч нь 2023 оны 08 дугаар сарын 27-ны өдөр “Драгон” орчмын автомашины зогсоолын хөдөлгөөнийг сайн дураараа зохицуулдаг иргэн “Б”-г зодсон байна. Уг үйлдлийг Сонгинохайрхан дүүргийн цагдаагийн газар шалгаж байна.

 Иргэн “Б” нь цагдаагийн алба хаагч биш бөгөөд гэрэл ойлгогчтой хантааз, гэрэл асдаг дохиур мод хэрэглэн сайн дураараа зогсоол дээрх автомашины хөдөлгөөнийг зохицуулдаг юм байна.