Монголын сагсан бөмбөгийн холбооны Үндэсний дээд лигийн тэмцээн арваннэгдүгээр сарын 03-ны өдөр эхэлсэн. Тэмцээн эхлээд даруй дөрвөн долоо хоног өнгөрч буй. Лиг эхэлснээс хойш тэмцээний эргэн тойронд спорт сонирхогчдын анхаарал дунд өнгөрөв.

"BCH Гарьд" болон "Өмнөговь Ёлууд" багийн тоглолт өндөрлөсний дараа Гарьдын мэргэн бууч Б.Мөнхболд дахин дээд лигт тоглохгүй гэдгээ илэрхийлсэн юм. Тэрбээр, "Миний хувьд үндэсний дээд лигт дахин тоглохгүй. Өөрөөр хэлбэл, дараа жилээс эхэлж оролцохгүй гэсэн үг. Гэхдээ бүр мөсөн спортоо орхиж байгаа гэсэн үг биш. Өөр бусөд түвшинд тоглосон хэвээр байх болно" гэсэн. Мөн түүний баг энэ улиралд холын зайн 100 шидэлт амжилттай гүйцэтгэсэн багаар шалгараад байна.