Үндэсний эрх чөлөө, тусгаар тогтнолоо сэргээн мандуулсны 112 жилийн ойгоор  Спортын салбараас жүдо бөхийн үндэсний шигшээ багийн тамирчин, дэлхийн аварга шалгаруулах тэмцээний хошой хүрэл медальт Ё.Басхүү, Л.Энхрийлэн нарыг Монгол Улсын гавьяат тамирчин хэмээх эрхэм шагналаар шагнаж урамшуулах юм. Ё.Басхүү улиран одож буй 2023 онд ДАШТ-ээс хүрэл, Азийн наадмаас мөнгө, их дуулгаас алт, хоёр мөнгөн медаль хүртсэн юм. Энэ амжилтаараа тэр “Бөртэ чоно” наадмын шилдэг тамирчин болсон билээ. Харин Л.Энхрийлэн ДАШТ-ий хоёр дахь хүрэл медалиа хүртсэн юм.