Америкийн Нэгдсэн Улс (АНУ)-ын Төрийн департамент, Монгол Улсын Засгийн газрын хамтарсан 2025-2026 оны Фулбрайтын гадаад оюутны хөтөлбөрийн өргөдөл хүлээн авч эхэллээ. Фулбрайтын гадаад оюутны хөтөлбөр нь залуу мэргэжилтнүүдэд АНУ-д магистрын зэрэг эзэмших боломжийг олгодог бүрэн тэтгэлэгт хөтөлбөр юм. Энэхүү хөтөлбөр нь дэлхийн 160 гаруй оронд хэрэгжиж, жил бүр 4,000 орчим гадаад оюутанд тэтгэлэг олгодог.

АНУ-ын Засгийн газрын санхүүжилттэй Фулбрайтын Оюутны хөтөлбөр нь Монгол Улсад 1995 оноос, Монгол Улсын Засгийн газрын санхүүжилттэй хөтөлбөр 2010 оноос хэрэгжиж эхэлсэн. 2022 оноос хоёр засгийн газрын санхүүжилттэйгээр нэгдсэн сонгон шалгаруулалт явагдах болж жилд 25 хүртэлх тооны оюутан хамруулж байна.

Үндсэн шалгуурууд
1. Монгол Улсын иргэн бөгөөд Монгол Улсад оршин суудаг байх 
2.1,5 жил болон түүнээс дээш жилийн бүтэн цагаар ажилласан ажлын туршлагатай байх
3.Дээд боловсролтой байх. Бакалаврын эсвэл дүйх зэрэг
4.Англи хэлний чадвартай байж суралцах иэргэжлийн чиглэлээснн хамааран TOEFL,IBT, IELTS эсвэл Duolingo хүсин төгөлдөр оноотой байх.
5.АНУ-д өмнө нь ямар нэг байдлаар зорчиж байгаагүй буюу цөөн удаа зорчсон оролцогчид давуу эрхтэй. АНУ-ын ногоон карт эзэмшигч монголчууд өргөдөл гаргах эрхгүй юм байна.

Тус хөтөлбөрийг сонирхож буй бол 2024 оны 02 сарын 17-ны өдөр Улаанбаатарын цагаар 12:00 цагт болох хөтөлбөрийн танилцуулга ярианд бүртгүүлэх юм байна.