Шадар сайд С.Амарсайхан: Нийт 140 мянга гаруй малчдын 1,2 их наяд төгрөгийн зээлийн эргэн төлөлтийг хойшлуулахаар Төв банк болон арилжааны банкуудтай зөвшилцөлд хүрлээ.
Тодруулбал, тэрбээр Монголбанк болон арилжааны банкуудын удирдлагуудтай уулзалт хийжээ. Энэ үеэр малчны зээлийн эргэн төлөлтийг тодорхой хугацаанд хойшлуулахаар болжээ. Улмаар нийт 140 мянга гаруй малчдын 1,2 их наяд төгрөгийн зээлийн эргэн төлөлтийг хойшлуулахаар Төв банк болон арилжааны банкуудтай зөвшилцөлд хүрсэн аж. Зээлийн эргэн төлөлтөө хойшлуулах малчид тухайн зээл авсан банкандаа хандаж хүсэлт гаргаж, зээлийн эргэн төлөлтөө хойшлуулах юм байна.
