"PGL Major Copenhagen 2024"-ын эрхийн төлөөх Ази тивийн урьдчилсан шатны тэмцээн Хятадын Шанхай хотод эхэллээ. "PGL Major Copenhagen 2024" нь CS2-ын дэлхийн аварга шалгаруулах тэмцээн гэж хэлж болохуйц чансаа өндөр уралдаан юм. 1,250,000 ам.долларын шагналын сантай мажор тэмцээнд дэлхийн шилдэг 24 баг оролцох бөгөөд гуравдугаар сарын 17-31-ний хооронд Данийн нийслэлд болно. Тэмцээнд Ази тивээс хоёр баг оролцох аж.

Дэлхийн аваргын урьдчилсан шатны тоглолтод манай улсаас TheMongolz баг оролцож байгаа бөгөөд тэд эхний тоглолтдоо хожлоо.