УИХ-ын гишүүн Н.Ганибал "УИХ-ын гишүүд метрог ямар мөнгөөр барихыг мэдэхгүй байна. Улсаараа метроны сайхан зураг хараад л суугаад байх юм. Ямар төсвөөр, яаж шийдэхээ танилцуулж ярилцья" гэсэн  байр суурийг гаргажээ. Эдийн засгийн байнгын хорооны хуралдааны үеэр ийн хэлсэн  байна. Хариуд нь Хотын дарга Х.Нямбаатар "Сонгууль дөхөхөөр үлгэрийн баатрууд амилдаг гэж үнэн юмаа. Ажил ажлаа хиймээр байна. Метрог эсэргүүцэж байгаа, харлуулж байгаа хүмүүс метро ашиглалтад орохоор суухгүй гэдгээ илэрхийлмээр байна" гэжээ.