“Miss Universe” гоо бүсгүй шалгаруулах тэмцээн 2024 оны есдүгээр сард Мексикт болно. Саудын Арабын загвар өмсөгч Руми аль-Кахтани тус тэмцээнд анх удаагаа эх орноо төлөөлөн оролцох тухай Al Arabiya телевиз мэдээлжээ.

Аль-Кахтани өмнө нь Ойрхи Дорнодын мисс, Дэлхийн мисс тэмцээнд хаант улсаа төлөөлөн оролцож байсан юм. Бүсгүй өөрийн инстаграм хуудсандаа тэмцээний туузтай зургаа "Miss Universe 2024-д оролцох нь нэр төрийн хэрэг" гэсэн тайлбартайгаар нийтэлжээ.