Чөлөөт бөхийн 2024 оны Азийн аварга шалгаруулах тэмцээн Киргизийн нийслэл Бишкек хотод  үргэлжилж байна. Тэмцээний хоёр дахь өдөр эрэгтэй чөлөөт бөхийн 61, 74, 86, 92, 125 кг жингийн барилдаанууд болов.

Эрэгтэй 61 кг жинд Энхбатын Энхболд Энэтхэгийн Акаш Дахиаг 18-7 харьцаагаар ялж, 92 кг жинд Дамжингийн Батзул Киргизийн Нуртилек Карыпбаевыг 2-2 харьцаагаар ялж тус тус хүрэл медаль хүртлээ. Мөн эрэгтэй 125 кг жинд Батхишигийн Одгэрэл барилдсан ба хүрэл медалийн төлөө Хятадын Бухердинд ялагдаж 5-р байр эзэлсэн юм. Мөн 86 кг жинд Наадамбатын Батбилгүүн шөвгийн наймд, 74 кг жинд Батсүхийн Батбаяр эхний шатанд Киргизийн бөхөд ялагдаж тэмцээнээ дуусгасан байна.