Төв аймгийн Баянхангай суманд  энэ сарын эхээр утаагүй шахмал түлшэнд нэг айлын 2-18 насны гурван хүүхэд угаартаж, хоёр нь газар дээрээ амь насаа алдсан харамсалтай хэрэг гарсан байна. Тухайн өдөр бороо орж, цаг агаар хүйтэн байсан учраас тэд өрхөө бүтээсэн байсан гэх албан бус мэдээлэл байгаа юм. Угаарын улмаас 2 болон 16 настай хүүхэд нас барсан бол 18 настай эгчийнх нь биеийн байдал хүнд Улаанбаатар хотод эмнэлэгт хэвтэн эмчлүүлж байгаа юм байна.