Мэргэжлийн боксын WBA холбооны Ази тивийн аварга Г.Баярхүүгийн ээлжит тулааны тов албан ёсоор зарлагдсан талаар бид өмнө нь мэдээлсэн. Манай тамирчны тулаан ирэх бямба гарагт буюу есдүгээр сарын 28 /2024.09.28/-нд БНСУ-ын Сөүл хотод болно. Энэ удаагийн өрсөлдөгч нь 29 настай, Филиппин улсын боксчин Марлон Паниамоган байх юм. Түүний хувьд мэргэжлийн боксын 15 тулаан хийснээс 12 ялж, 3 ялагдаж, 1 тэнцэж байсан 2014 оноос мэргэжлийн бокст хүч үзэж эхэлсэн хашир туршлагатай тамирчин юм. Харин манай тамирчин Г.Баярхүү БНСУ-ын Самсунг холбооны тамирчин болж, мэргэжилд хүч үзэж эхэлснээс хойш нэг ч ялагдалгүй яваа тамирчин юм.