Хүн худалдаалах гэмт хэргийн эрсдэлд орсон 45 аялагчийн аяллыг зогсоож, ажиллажээ.
Хүн худалдаалах гэмт хэрэгт өртөх эрсдэлд байгаа аялагчдыг хилээр дамжин өнгөрөхөөс өмнө таньж тогтоож, таслан зогсоож, хамгаалалтад авч байгаа талаар ХЭҮК-оос мэдээлсэн байна. Тодруулбал, нийт хяналт шалгалтын ажиллагаагаар 98 зорчигч тогтоогдсоноос 45 иргэн аяллаа зогсоож, нэг иргэн мансуурлын байдалтай байсныг Замын-Үүд сумын Цагдаагийн хэлтэст мэдээлж, холбон зуучилжээ. Энэ төсөл Ковид-19 цар тахлын үед түр зогсоод байсан. Улмаар хил гаалийн үйл ажиллагаа идэвхэжсэн тул АНУ-ын Засгийн газрын санхүүжилтээр 2023 оны дөрөвдүгээр сараас дахин эхлүүлээд байгаа аж.
