Малайз улсын Куала Лумпур хотноо “60th MILO/MAS MALAYSIA AGE GROUP” тэмцээн зохион байгуулагдав. Энэхүү тэмцээн нь 2025 оны 7 дугаар сард Сингапур улсад зохиогдох усанд сэлэлтийн Дэлхийн Аварга Шалгаруулах Тэмцээний эрх олгох өндөр чансаатай тэмцээн юм. 

Уг тэмцээнд Монгол Улсаа төлөөлөн зургаан тамирчин өрсөлдөж, “Сэлэм Загас” клубын тамирчин ОУХМ Э. Эрхэс 50м араар даллах сэлэлтээр 25.79 амжилт үзүүлж, Дэлхийн аварга шалгаруулах тэмцээнд оролцох эрхээ авав. ОУХМ Э.Эрхэс Дэлхийн аварга шалгаруулах тэмцээний эрхээ албан ёсоор авсан усанд сэлэлтийн анхны, хамгийн залуу тамирчин болж усан спортын түүхэнд бичигдсэн байна.