"Эрдэнэт Майнерс" багийн тоглогч Г.Болор-Эрдэнийг "Сэлэнгэ Бодонс" багтаа авах санал тавьжээ.

Энэ талаараа тэд олон нийтийн сүлжээнд мэдээллээ. Ингэхдээ, "Дасгалжуулагчдын багийн шийдвэрээр бид 2025/2026 оны лигийн улиралд 3х3 болон дээд лигийн “Сэлэнгэ Бодонс” 5х5 багтаа Г.Болор-Эрдэнийг нэгтгэх саналыг “Эрдэнэт Майнерс” багт албан ёсоор нээлттэй тавьж байна. Хүсэлтийг хүлээн авсан тохиолдолд Клубийн зүгээс уг хэлцэлийг лигийн дүрэм журмын хүрээнд, зах зээлийн зарчимд тулгуурлан харилцан хүндэтгэлтэй хандаж явуулах болно" гэжээ.

Сэлэнгэ Бодонс багийн хувьд энэ улирлын эхэнд Эс Жи Эйпэс багийн тамирчин А.Базаргүрийг 450 сая төгрөгийн гэрээтэйгээр багтаа нэгтгэсэн.