Нийслэлийн Сүхбаатар дүүргийн 15 дугаар хороонд шар усны үерийн усанд автсан гэсэн дуудлага гуравдугаар сарын 23-ны өдрийн 10:10 цагт холбогдох байгууллагад ирсэн байна. Дуудлагын дагуу тус дүүргийн Онцгой байдлын хэлтсийн 34 дүгээр ангийн алба хаагчдыг очиход Сэлбэ голын далан сэтэрч шар усны үерийн ус айлуудын хашаа руу орсон байжээ. Албан хаагчид 40 тонн ус соруулж, аюулгүй болгосон талаар ОБЕГ-аас мэдээллээ.