“Бүгд Найрамдах Хятад Ард Улсаас Монгол Улсад гаалийн нэмэлт татвар ногдуулахаар болсон”, “Хятадын талаас Монгол Улс руу экспорт хийхийг хориглосон” гэх мэдээлэл ор үндэсгүй болохыг тус улсын Элчин сайдын яамнаас албан ёсоор мэдэгдлээ. 

Уг мэдэгдэлд тус улс энэ сарын 1-ны өдрөөс эхлэн шинэ журам мөрдөж эхэлсэнтэй холбоотой гаалийн бүрдүүлэлт түр хугацаанд саатсан болохыг тайлбарлажээ. 

Боомтын ачаа, барааны тээвэрлэлт, нэвтрүүлэлт шат дараатайгаар хэвийн горимд орсон болохыг мөн мэдээллээ.