Монгол болон Япон улсад зураг авалтаа хийсэн "Vivant" цуврал хамгийн их үзэлттэй цувралуудын нэг болсон билээ. Тэгвэл энэхүү цуврал 117 дахь удаагийн “Tokyo drama academy awards” -ын шилдэг цувралаар шалгарч, зургаан шагнал хүртсэн байна. Үүний нэг бол Жүжигчин Б.Барслхагва уг кино наадмаас шилдэг эрэгтэй дүрийн шагнал хүртжээ. Япон Улсад болсон "Токио драма" кино наадмаас "Vivant" кинонд тоглосон дүрээрээ өрсөлдөж, Шилдэг эрэгтэй туслах дүрийн шагнал хүртсэн байна. Үүнээс гадна тус цуврал нь

• Шилдэг бүтээл
• Шилдэг найруулагч
• Шилдэг эрэгтэй гол дүр
• Шилдэг эмэгтэй гол дүр
• Шилдэг зохиол
• Тусгай шагнал зэрэг шагналыг хүртжээ. 

Тус цувралд Японы өнөө цагийн алдартай жүжигчид болох Масато Сакай, Хироши Абэ, Фүми Никайдо, Тори Мацүзака, Кожи Якүшёо нарын гол дүр бүтээжээ. Харин Монгол жүжигчдээс Б.Барслхагва, Г.Эрхэмбаяр, Х.Манлайбаатар, Х.Цасчихэр нар тоглосон байна. Мөн кино багийнхан Өмнөговь, Дундговь, Дархан-Уул болон Улаанбаатар хотод зураг авалтаа хийжээ.

Нэмж дурдахад, "VIVANT" киноны найруулагч нь их алдартай хүн бөгөөд 10 000 иэний дэвсгэрт дээр зураг нь хадагдсан Фүкүзавагийн үр удам. 32 жилийн турш цацагдсан "3б-ийн Кинпачи багш", хамгийн олон хүн үзсэн "Ханзава Наоки" сериалуудыг бүтээлцэж, найруулсан байна.