Олон Улсын Эрүүгийн шүүхэд 2024-2033 онд ажиллах шүүгчийн сонгуулийн эхний шатны санал хураалт болж, Дээд шүүхийн шүүгч Д.Эрдэнэбалсүрэн 81 улсын санал авч сонгогджээ. 

Тэрбээр энэхүү олон улсын шүүхэд сонгогдон ажиллах анхны монгол шүүгч болж байна.

Дамдины Эрдэнэбалсүрэн 1967 онд төрсөн. Эрхүү хотын их сургуулийг эрх зүйч мэргэжлээр төгссөн, хууль зүйн магистр зэрэгтэй. Улсын Дээд шүүхийн шүүгчээр ажиллаж байна.