Намрын ээлжит чуулганаа хаасан УИХ ээлжит бусаар хуралдахаар төлөвлөжээ. Ээлжит бус чуулганыг хоёрдугаар сарын 5-нд хуралдуулахаар төлөвлөсөн ч одоогоор албан ёсны захирамж гараагүй байна. Ээлжит бус чуулганы хуралдаанаар Үндэсний баялгийн сангийн тухай хуулийн төслийг хэлэлцэхээр төлөвлөжээ. Ингэхдээ уг хуулийн төсөлтэй уялдуулан "Эрдэнэс Тавантолгой" хувьцаат компанийн хувьцаа эзэмшигчдэд ногдол ашиг тараах асуудлыг хэлэлцэх болжээ.