Тунгалагийн Санчир “BCL Asia” урьдчилсан шатны тэмцээнд “Хасын Хүлэгүүд” багаас тоглохоор болжээ. Түүний мэдүүлэг албан ёсны сайтад бүртгэгдсэн байна. Тэрбээр сарын өмнө "Шигшээ багийн нэрийн өмнөөс дахиж талбайд гарахгүй хэмээн мэдэгдэж байсан. Тэгвэл энэ удаа  “Хасын Хүлэгүүд”багт орж дахин тайлбайдаа гарах болж байгаа бололтой.

Тодруулбал, тэрбээр сарын өмнө ийн мэдэгдэж байсан юм. ОУХМ Т.Санчир өөрийн байр сууриа илэрхийллээ. Тэрбээр, “Шигшээ багийн залуусдаа амжилт. Дараагийн шатанд шалгарна гэдэгт итгэлтэй байна аа. Хэн байх байхгүй нь чухал биш байх. Гол нь эв нэгдэл багийн ойлголцол чухал гэж боддог. Зөндөө хүмүүс надаас асууж байна. Бид нар тамирчид болохоор сонгох шийдвэр гаргах тал дээр эрх бүхий хүмүүс биш. Талбай дээр чадах бүхнээ л хийж шигшээ багийнхаа төлөө тоглодог. Ерөнхий дасгалжуулагч бид хоёрын асуудал үүгээр дуусаг. Манай шигшээ багийн залуусыг олон тэмцээн уралдаан хүлээж байгаа. Надтай үл ойлголцоод хамтарч ажлаад амжилт гаргана гэж худлаа байх. Шигшээ багийн нэрийн өмнөөс дахиж талбайд гарахгүй гэдгээ үүгээр мэдэгдэж байна” гэсэн юм.