Сагсан бөмбөгийн Дээд лигийн тоглолт 10 хоног завсарласны эцэст өчигдрөөс үргэлжлэн явагдаж эхэллээ. Даваа гарагт болсон тоглолтуудаас хамгийн их анхаарал татсан тоглолт нь “IНC Ареs”, “Хасын хүлэгүүд”-ийн хоорондох өрсөлдөөн байсан юм. Дээд лигийн жагсаалтын хоёрт бичигдэж байгаа “IНC Ареs”-ийнхан жагсаалтын 6-д эрэмбэлэгдэж байгаа “Хасын хүлэгүүд”-тэй учраа таарч өрсөлдлөө. Дөрвөн үеийн турш гал гарсан өндөр темптэй тоглолт болж, Мэндбаярын 2 бөмбөг таслалтын ачаар “IНC Apes” баг 88:80 гэсэн онооны зөрүүтэйгээр өрсөлдөгчөө буулгаж авснаар улирлын 13 дахь хожлоо авсан байна.