Олон нийтийн цахим сүлжээнд өсвөр насны охид нэгнийгээ зодсон байж болзошгүй мэдээлэл цахим орчинд нийтлэгджээ. 

Энэ талаар Цагдаагийн байгууллага тодруулсан бөгөөд Баянгол дүүргийн 10 дугаар хороо ... хотхонд нэр бүхий хүүхдүүд хувийн таарамжгүй харилцааны улмаас нэгнийгээ зодсон гэх асуудлыг тус дүүргийн цагдаагийн газрын хоёрдугаар хэлтэст гомдол, мэдээллийн бүртгэн шалгаж байна.

Эцэг эх, асран хамгаалагч нар өсвөр насны хүүхдэд тавих хяналтаа сайжруулахыг, бусдын эрх чөлөөнд халдах нь Эрүү, Зөрчлийн хуулиар хариуцлага хүлээдэг болохыг тайлбарлан өгч, болзошгүй эрсдэлээс сэргийлэхийг Цагдаагийн байгууллагаас анхааруулав.