Дэлхийн алдартай контент бүтээгч “Нэйс Дэйли”-г үүсгэн байгуулагч, цахим орчинд 70 гаруй сая дагагчтай Нусийр Яассин өнгөрсөн оны наймдугаар сард Монгол ирсэн билээ. Тэрбээр ирэхдээ Монгол Улсын тухай цуврал контент бүтээж, дэлхий нийтэд түгээсэн. Ирэх тавдугаар сард Нусийр Яассин дахин монголд ирэх гэж байна. Түүний хувьд энэ тавдугаар сарын 4-нд “Mongolia’s biggest creator event”-ээ зохион байгуулах гэнэ. Уг эвентэд оролцох хүсэлтэй хүмүүст нээлттэй. Эвенттэй холбоотой дэлгэрэнгүй мэдээллийг ирэх сард олон нийтэд албан ёсоор танилцуулна.