БНСУ-ын Сөүл хотод өнөөдөр Ерөнхийлөгч Юн Сок Ёлыг огцруулах эсэхийг шийдэх шүүх хурал болох юм. Дэлхийн хэвлэл мэдээллийн гол анхаарлын төвд байгаа энэхүү шүүх хурлыг өнөөдөр олон нийтэд нээлттэй хийхээр болсон байна. Шүүх хуралдаан орон нутгийн цагаар 11:00 цагаас эхэлнэ. 

БНСУ-ын Үндсэн хуулийн цэцээс Ерөнхийлөгч Юн Сок Ёлыг огцруулах эсэх тухай хэргийн шүүх хурлыг товлосон хугацаанд хийхээр болсон. Өчигдөр Сөүл хотын төв хэсэг болох Шичон болон Юнсан дүүрэг орчим олон нийтийг хамарсан жагсаал, цуглаан гарахаас сэргийлж цагдаагийн бүрэн хамгаалалт гарсан. Мөн Сөүл хотын төв талбай болох Гуанхуамүнд томоохон жагсаал болохтой холбогдуулан иргэдийн аюулгүй байдлыг хангах үүднээс өндөржүүлсэн бэлэн байдалтай цагдаагийн бие бүрэлдэхүүн ажиллаж байна. 

Шүүх Ерөнхийлөгч Юн Сок Ёлыг огцруулах хүсэлтийг хэрэгсэхгүй болгох эсэхийг нээлттэй хэлэлцэхээр болсон тул нийтийг хамарсан үймээн гарахаас сэргийлж эхэлсэн. Өнгөрсөн шөнө Гуанхуамүн талбайд энэхүү шүүх хурлыг идэвхтэй ажиглаж буй олон нийтийн жагсаал эхэлжээ. Шөл дөлөөр ч иргэд цуглан шүүх хурлыг тэвчээртэй хүлээж байгаа илэрхийлсэн байна.

Ерөнхийлөгчийн үүрэг гүйцэтгэгч Хан Док Сү шүүхээс ямар ч шийдвэр гарсан хууль дээдлэх зарчмын дагуу хүлээж авах ёстой гэдгээ илэрхийлсэн байна.

Хэрэв түүнийг огцруулбал шинэ ерөнхийлөгчийн сонгуулийг 60 өдрийн дотор зохион байгуулах ёстой аж.