УИХ-ын Хууль зүйн байнгын хороо хуралдаж, Монгол Улсын Үндсэн хуулийн цэцийн 2025 оны 03 дугаар дүгнэлт /Монгол Улсын Их Хурлын сонгуулийн тухай хуулийн зарим хэсэг Монгол Улсын Үндсэн хуулийг зөрчсөн эсэх/-ийг хэлэлцсэн юм.

Энэ үеэр УИХ-ын гишүүн Н.Алтанхуяг

"Тайлан тавина гэхээр манай зарим этгээдүүд цагийг нь дөхүүлж байгаад айл бүрийн тоогоор юм тараадаг. Та нар тэгэж тарааж байгаагүй юм уу, Энхбаяр аа. Би лав тараагаагүй л дээ. Аймаар их мөнгө ордог юм.

Мөн сонгууль дөхөхөөр хүмүүсийг Манжуур, Хөх хот явуулдгийг болиулмаар байна. Хэрвээ иргэд хиам, талханд хууртаж байгаа бол бид ажлаа хийгээгүй л гэсэн үг. Хиам, талхаа өөрсдөө авч иддэг болгох ёстой. Энэ бол бидний ажил"

гэлээ.